Mario Lopez & R'Bonney Gabriel host the Miss Universe 2026 grand finale in Puerto Rico on Nov 24. Discover details on 116 candidates & competition rounds.
-- Advertisements --

Mas nagmapaso pa an pangandaman para ha ika-75 nga anibersaryo han Miss Universe mahuman ig anunsyo han organisasyon an mga host ngan presenter han Miss Universe 2026.

Gin kumpirma hira television host Mario Lopez ngan Miss Universe 2022 R’Bonney Gabriel kumo pangunahon nga hosts han grand finale nga pagdudumaraon ha Nobyembre 24 ha Coliseo de Puerto Rico José Miguel Agrelot ha San Juan, Puerto Rico.

Kaupod gihapon ha mga special presenter an mga anay Miss Universe nga hira Dayanara Torres, Denise Quiñones ngan Zuleyka Rivera, kaupod hira Zuri Hall ngan NSYNC member Lance Bass.

Maabot ha 116 kandidata tikang ha magkadiru-dilain nga nasud an mag-tutumparak para ha korona.

Magtitikang an kompetisyon ha pagpili han Top 30, nga masabak ha swimsuit competition. Tikang dinhi, pipilion an Top 12 para ha evening gown competition, ugsa an Top 5 nga magtutugbang ha question-and-answer portion.

Makikit-an an grand finale ha Puerto Rico ha Nobyembre 24, samtang Nobyembre 25 naman ini mapapanood hin live ha Pilipinas.