
Gintagan-duon ni House Senior Deputy Speaker ngan South Cotabato 2nd District Representative Ferdinand Hernandez nga waray basaranan an ginpapalutaw nga iginkokonsidera han Kamara nga pugngan an 2028 national elections.
Sumala kan Hernandez, waray plano o panukala nga iginduduso an liderato han Kamara agud pugngan o igdelatar an 2028 elections.
Baton ini ni Hernandez ha pahayag han tagapagyakan ni Vice President Sara Duterte nga hi Atty. Paolo Panelo Jr. nga nagios an Kamara agud makansela an 2028 elections, pahilabaon an termino han mga presente nga hurar nga opisyal o saliwanan hin parliamentary an pormal han gobyerno.
Duon ni Hernandez, an sugad kaseryoso nga alegasyon nga mayda koneksyon ha proseso han piniliay ha nasud in kinahanglan suportado han beripikado nga impormasyon.
Sumala kan Hernandez, klaro an posisyon han House of Representatives nga igrespeto an Constitution ngan electoral process sugadman an katungod han mga residente nga Pilipino nga pumuli han ira lider ha 2028.
Pag-eksplikar ni Hernandez, dire pwede bag-uhon han mga magbabalaod pinaagi la hin kasabutan o pagdesisyon an regular nga eleksyon nga gintudlok han Batakan Balaod ngan an kahilaba han termino han mga hurar nga opisyal ha nasud.






_2026_11_18_08_13_14.jpg)


