
Pormal na nga iginbalhin ni House Speaker Faustino “Bojie” Dy III kan Singapore Parliament Speaker Seah Kian Peng an presidency han ASEAN Inter-Parliamentary Assembly (AIPA).
Gindumara ini ha closing ceremony han 47th AIPA General Assembly dida han nakalabay nga adlaw kun diin pumirma hira Speaker Dy ngan Speaker Seah hin Instrument of Transfer ugsa ighatag han Pilipinas an AIPA gravel ngan bandera ha ira Singaporean counterpart.
Sumala kan Dy, naangay an Singapore para ha AIPA Presidency ngan magin host han 48th General Assembly nga kadungan gihapon han golden anniversary hini tikang han pagtukuron dida han 1977.
Gin sigurado gihapon ni Dy an padayon nga kooperasyon han Pilipinas ha pagtuman han Singapore ha responsibilidad kumo masunod nga mangunguna ha AIPA.
Ginbati naman ni Speaker Seah hi Speaker Dy ngan an Philippine Congress ha malinangpuson nga hosting han 47th General Assembly.
Sumala kan Seah, an AIPA Presidency han Pilipinas in naglatag hin hitaas nga standard nga kinahanglan sundan o subdon han Singapore labi na an mapaso nga pagkarawat ngan kaupayan nga iginpakita ha ira han mga Pilipino.






_2026_11_18_08_13_14.jpg)


