
Balik-Pinas na hi Presidente Ferdinand Marcos Jr. dida han Biyernes han gab-i mahuman an pag-atender hini ha duha kaadlaw nga APEC Summit ha Shenzhen, China.
Bitbit han Presidente an P41.1 bilyon nga investment pledges nga ginlalauman nga makakaghimo hin sobra 7,000 nga trabaho.
Kaupod ha mga plano nga pamumuhunan an pagtutukod hin pabrika han bearing ha Batangas, pagpapahaluag han operasyon han electric vehicle maker nga BYD, ngan mga proyekto ha offshore wind energy.
Sumala ha Presidente, nagpapakita an mga investment pledge hin pagtapod han mga langyawanon nga kumpanya ha ekonomiya han Pilipinas.
Ginlalauman nga mapapakusog gihapon han mga ini an lokal nga industriya ngan exports.
Ha iya pag-atender ha APEC, gin pirmahan gihapon an free trade agreement ha Chiele, an syahan nga sugad nga kasabutan han Pilipinas ha usa nga nasud ha Latin America.
Iginduduso gihapon han Pilipinas an pagpapakusog han kalakalan, siguraduhon an seguridad han suplay han mga produkto, ngan mapabilin an pag-ursa han ekonomiya ha butnga han paghitaas han presyo ngan kawaray hin kasiguraduhan ha global economy.






_2026_11_18_08_13_14.jpg)


