President Marcos Jr. announces 85-90% completion of the Code of Conduct South China Sea. Learn about the progress in ASEAN-China negotiations and future steps.
-- Advertisements --

Ginkasabutan na an kadam-an han dagko nga isyu ha pagbug-os han Code of Conduct ha South China Sea, nga ada ha 85-90% na ini nga kompleto.

Sumala kan Presidente Ferdinand Marcos Jr., iginkalipay niya an dako nga progreso ha negosasyon han ASEAN ngan China, sugadman dire ini hul-os nga mahuhuman ha ilarom han pagmamangulo han Pilipinas ha ASEAN yana nga tuig, sugad han ira ginlalauman.

Pag-eksplikar han Presidente, an nasasalin nala in an pagklaro ha mga depinisyon ngan termino nga gagamiton agud masigurado nga pare-parehas an interpretasyon han ngatnan han nasud nga sakop han kasabutan.

Utro nga ginpadig-on han ASEAN ngan China an ira patapod nga igpadayon an negosasyon kutob ha makompleto an COC, subay ha United Nations Convention on the Law of the Sea o UNCLOS.

Panuyo han kasabutan nga magtudlok hin klaro ngan epektibo nga mga aludayday ha pamatasan han mga nasud nga mayda interes ha South China Sea.

Samtang dire pa nahuhuman an COC, magpapadayon anay an pagsunod han ASEAN ngan China ha nagpapadayon nga Declaration on the Conduct of Parties in the South China Sea.