-- Advertisements --
Gin pahinumduman han Department of Labor and Employment (DOLE) an mga private sector employers ha sakto nga pagpapagawas han 13th month pay han ira mga empleyado.
Subay ha DOLE, nakasurat ha balaod nga an nasabi nga 13th month pay in kinahanglan makarawat han mga empleyado ugsa o ha mismo Disyembre 24, 2026.
Mahugot gihapon ini nga babantayan han regional ngan provincial offices han DOLE kun naipapatuman ba an mga pribado nga kumpanya an panhatag han 13th month pay.
Nakasurat gihapon ha advisory han DOLE nga an 13th month pay in an kabug-usan nga basic salary han usa katuig han usa nga empleyado ngan ini in gintunga ha 12.
Bisan kun an empleyado in nag-resign na in makakakarawat la gihapon ini han 13th month pay.
