Gin klaro nga waray mahitatabo nga pag-istorya o pagpirma kasumpay ha Pax Silica ha nakatalaan nga Association of Southeast Asian Nations (ASEAN) Leaders’ Summit ha nasud, sumala kan US Ambassador Lee Lipton ha maabot nga Sabado.
“As the U.S. Ambassador to the Republic of the Philippines, I would like to address comments in the media about an announcement on the Pax Silica Economic Security Zone to occur during or after the ASEAN Leaders’ Summit in Manila this month,” surat hini ha opisyal nga pahayag.
Gin panhimuwa na gihapon ni Lipton nga waray daw talaga plano nga anuman nga anunsyo kasumpay ha Pax Silica Economic Security Zone ngan daw maagi anay ini ha mahugot nga pagkokonsulta kaupod an gobyerno ugsa magkamay-ada hin pagdedesisyon ha nasabi nga proyekto.
“Decisions will be made in full consultation with the government of the Philippines at the appropriate time. As stated previously and as part of this process, we expect rigorous discussions on impacts to all stakeholders,” dugang pa ni Lipton.
Samtang, positibo naman an tinaglawas nga makigsumpayan ha gobyerno han nasud kasumpay ha daw “kapanapanabik na inisyatibo” nga masuporta ha ekonomiya ngan mag-aabri han mas damo nga trabaho para ha mga Pilipino.
Kasumpay hini, kaparehas gihapon an nagin pahayag ni Philippine Ambassador to the United States Jose Manuel Romualdez kun diin harayo nga mahitabo an pagpipinalisa ha kasabutan han Pax Silica ha mahitatabo nga summit mahitungod nga aaydon pa han parte an detalye han kasabutan.
Manunumduman nga nakatalaan nga bumisita hi US President Donald Trump ha nasud agud makiusa ha mahitatabo nga ASEAN Summit ha Manila yana nga Nobyembre.
Samtang, dida han ikaduha nga kwarter han tuig, iginsapubliko an plano ha igin panukala nga sobra 1,600 ektarya nga AI data centers ha Capas, Tarlac ha ilarom han US-initiative Pax Silica.
Nakakuha ini hin magkadiru-dilain nga reaksyon ngan pagbalabag, partikular ha mga progresibo nga grupo ngan kumunidad han Aeta ha Capas nga duro nga maaapektuhan han nasabi nga proyekto.
