Personal nga ginpangunahan ni Executive Secretary at ASEAN National Organizing Council (NOC) Chair Ralph Recto an inspeksyon dida han Biyernes, Nobyembre 6, an mga pangandaman han gobyerno para ha pagdudumaraon nga ASEAN Leaders’ Summit ha Nobyembre 15–17.
Gin sigurado ni Recto nga maupay an dalagan han mga pangandaman subay ha direktiba ni Presidente Ferdinand R. Marcos Jr., pira kaadlaw ugsa umabot ha Pilipinas an sobra 20 nga lider tikang ha magkadiru-dilain nga nasud.
Kaupod ha gindumara nga walkthrough hira DTI Secretary Christina Roque, DOT Secretary Dita Angara-Mathay, DILG Secretary Jonvic Remulla, DICT Secretary Robert de Claro, DBM Secretary Kim De Leon, ngan PCO Secretary Lino Cayetano agud igpakita an nagkakaurusa nga paggios han magkadiru-dilain nga ahensya han gobyerno.
Nagpasalamat hi Recto ha bug-os nga organizing team ngan gin aghat an mga ini nga igpabilin an dedikasyon para ha nasasalin nga sobra-kulang 100 nga pagharamoang ha ilarom han pagmamangulo han Pilipinas.
