Gin sigurado ni House prosecutor ngan Bicol Saro Party-list Rep. Terry Ridon, nga mahugot nga papanginanuon han prosekusyon an 24 nga posible nga testigos han depensa ni Vice President Sara Duterte ha pagpapadayon han impeachment trial ha Lunes, Nobyembre 9.
Ginmalatumat ni Ridon nga kokontrahon nira an mga testigos nga waray direkta nga koneksyon ha alegasyon han dire mai-eksplikar nga karikuhan kontra ha Bise Presidente.
Sugadman tatagan nira hin sakto nga higayon an depensa nga iglatag an ira parte.
Iginduon ni Ridon nga magsasalawad hira hin pagbalabag kun dire importante o waray koneksyon an testimonya han mga ig aatubang nga testigos.
Gin kwestyon gihapon hini kun makakabulig an mga nakalista nga testigos, kaupod an mga opisyal han bangko, tinaglawas han mga korporasyon, ngan empleyado han lokal nga pangobyernuhan, agud batunon an mga ebidensya nga igin atubang han prosekusyon.
Samtang, ginmalatumat ni House prosecution legal spokesperson Benjamin “Jay” Tolosa Jr. nga andam hira makigsabot ha depensa ha mga butnga nga dire na kinahanglan pagdebatehan agud malikayan an dire kinahanglan nga delay ha pagdungog.
Syahan na nga gin karawat han Senate Impeachment Court an mga importante nga dokumento nga pinansyal nga igin atubang han prosekusyon, nga nagsusulod hin mga alegasyon han waray kaideklara nga karikuhan nga maabot ha P817.87 milyon tikang han 2022 kutob 2025.
“Kaya nga ang sinasabi natin, kailangan ho witnesses, hindi weaknesses ’yun pong isasalang po ng depensa sa darating pong mga araw. Kasi katulad ng binabanggit ho nitong nagdaan, parang wala po doon sa witness list ’yun pong tingin ko makakapagpaliwanag doon po sa punto per punto ng mga paratang at mga naipasok pong mga ebidensya sa formal offer of evidence,” pahayag ni Ridon.
