Nahuman na an kampanya ni Pinay tennis star Alex Eala ha Pan Pacific Open ha Japan.
Ini in mahuman nga perdihon hiya ha quarterfinals ni Diana Shnaider ha score nga 2-6, 7-(6), 6-4.
Ha syahan nga set in dominado han Russian tennis player an mulay ngan pagsulod han ikaduha nga set in bumulos an Pinay tennis star.
Ha ikatulo nga set in ginpirit pa ni Eala nga maipadaog an mulay pero mas nagin mahugot an ginbuhat nga pagbabantay han Russian tennis star.
Iginkokonsidera ni Shnaider nga an mulay yana kan Eala in baga hin aadto na ha finals mahitungod nga parehas nira iginpakita an ira kakarit.
Ini na an ikaduha nga sunod nga pagkaperdi ni Eala kan Shnaider nga syahan nga perdi hiya ha Ningbo Open.
Ginlalauman naman nga mabawi hi Eala ha masunod nga semana para ha pagsabak niya ha WTA 250 HongKong Open, an iya katapusan nga WTA tournament yana nga tuig.
