Nagpahimatngon hi anay national security adviser Clarita Carlos kontra ha patigdaay nga pitad han Pilipinas ha butnga han tensyon ha China, ngan iginduon nga kinahanglan igpabilin an paghirot ha mga istoryahon nga diplimatiko ugsa an ASEAN Summit ha masunod nga bulan.
Sumala kan Carlos, kinahanglan timbangon han gobyerno an posible nga epekto han mga pitad sugad han pagdedeklara nga persona non grata ha usa nga diplomat o tibway nga pag-utod han diplimatiko nga sumpayan ha Beijing.
Dugang pa hini, posible humaluag an epekto hini ha ekonomiya, kalakalan, ngan iba pa nga sumpayan han duha nga nasud.
Gin aghat gihapon niya an mga opisyal han gobyerno nga likayan an mga pahayag nga posible magpahinumdom han tensyon ngan imbes in igpabilin an dayalogo ngan nagpapadayon nga diplimatiko nga paagi agud maresolba an mga dire pagkakaintindihay.
Gintagan-duon ni Carlos nga importante nga magpabilin nga kalmado an Pilipinas samtang nag-aandam ini nga mag-host hin ASEAN Summit ngan maatender naman hi Presidente Ferdinand Marcos Jr. ha APEC economic leaders’ meeting ha China.
Dugang pa, kinahanglan magin klaro ngan magkakasumpay an mga pahayag han gobyerno ha foreign policy agud malikayan an pagduro han tensyon.
