Nagsalawad hi Senator Risa Hontiveros han Senate Resolution No. 746 nga naghahangyo kan Presidente Ferdinand Marcos Jr. nga ideklara nga persona non grata hi Chinese Ambassador Jing Quan o di ngani in hangyuon ha gobyerno han China an pagpapabalik ha nasabi nga diplomat.
Subay an resolusyon ha pahayag ni Jing nga madagmit nga magdadaog an China ha oras nga magkamay-ada hin kasamok ha butnga hini ngan han Pilipinas, sugadman ha padayon nga paggios han China ha West Philippine Sea.
Ginmalatumat gihapon ha resolusyon an pahimatngon han Chinese Embassy nga posible pagbawalan an mga opisyal han Pilipinas nga makasulod ha China kun igdeklara nga persona non grata an embahador.
An persona non grata in pagkonsidera ha usa nga diplomat kumo dire makaru-karawat ha nasud nga iya ginseserbihan, nga posible umabot ha pagpapalayas o paglakat hini ha nasud.
