Gin sigurado han Department of Agriculture (DA) nga magigin patas an ginbubuhat nira nga imbestigasyon kasumpay ha epekto han imported nga karne han baboy ha mga lokal nga parag-baboy.
Subay ha DA, mayda na hira ebidensya nga nagdudurot hin dako nga hulga ha domestic hog industry an pagpapasulod han mga imported nga karne han baboy.
Sakop han imbestigasyon an tuig-2021 kutob Agosto 2026.
Nakasurat manggud ha Republic Act 8800 o an Safeguard Measures Act nga pwede magdumara hin imbestigasyon an Sekretarya han DA ha oras nga mayda ebidensya nga an paghitaas han pagpasulod han mga imported nga karne in nakakaruba ha lokal nga hog industry.
Mahitungod hini in plano han DA nga igpahitaas an taripa ha mga imported nga karne han baboy mahitungod ha paghamubo han farmgate prices.
