-- Advertisements --
TACLOBAN CITY — Dakop ha akto an 9 nga mga indibidwal samtang nagdudumara hin illegal nga tupada ha Baragay Mabini, Basey Samar.
Sumala kan PMaj. Michael Oraller, Hepe han Basey PNP, pira ka semana na nira nga ginmomonitor an mao nga lugar mahuman nga may usa nga concerned citizen an nagreport kasumpay han masukot nga pagdumara hin bulang ha mao nga lugar.
Nakumpiska ha mao nga operasyon an pira nga mga panbulang nga manok ngan kwarta nga gingamit panpusta.
Naatubang naman an mga ini ha kaso nga pagtalapas han P.D. No. 449.
