-- Advertisements --
INTERNATIONAL – Patay an 9 ka-tawo ha natabo nga pagbaha ha Thailand, kun diin 553,921 nga kabalayan an naapektuhan, samtang 13,000 ka-tawo naman an napritan nga mag-evacuate.
Subay han mga otoridad, walo nga probinsya an apektado han kalamidad hinungdan nga dagmit nga nagpadangat hin bulig an magkadurudila-in nga ahensya han nasabi nga nasod.
Samtang, iginsuspende an operasyon ha duha nga ospital nga harani ha probinsya han Pattani mahitungod ha pag-aandam han mga hini ha baha agud malikyan nga maguba an ira pasilidad.
Basar ha datos han Meteorological Department han Thailand, an na eeksperyensya nga habagat ha ira nasod in mahitungod ha climate change.
