INTERNATIONAL – Maabot ha 70 ka tawo an samaran ha ginhimo nga airstrike han Russia ha mga kabablayan han Sumy City ha Ukraine.
An nasabi nga pag-atake in kadugang ha ginhimo nga paghimangraw han tinaglawas han Russia ngan US nga gindumara ha Saudi Arabia.
Ha nasabi nga airstrike in aada ha 14 nga mga bata an kaupod ha nasamaran.
Depensa han Russia nga an ginhimo nga pag-atake in usa la nga bulos ha ginhimo nga drone attack han Ukraine ha ira Belgorod gas distribution station.
Gin-akusaran gihapon han Russia an Ukraine nga ginprobaran daw nira nga atakehon an Glebovskoye gas condensate field ha Crimea pero napugngan daw ini han Russia air defense.
Ginkumpirma gihapon han White House nga magkakamayda utro hin pag-harampang an tinaglawas nira ngan han Ukraine nga gaganapon ha Saudi Arabia.
