TACLOBAN CITY — Umabot na ha 7 an nakuha nga Gold Medal han Pambato han Eastern Visayas
Regional Athletic Association (EVRAA) ha nagpapadayun nga Palarong Pambansa 2017 ha Antique.
Manilampuson nga nakuha han delegado han rehiyon 8 an 6 nga gold medal ha mulay nga wrestling
ngan 1 nga gold medal naman ha 100 meter dash.
Nakuha ni Bianca Combate han Bato, Leyte an Gold medal ha mulay nga 100 meter dash.
Ha wrestling secondary naman nakuha nira Andrea Rowella Abrea, Veronica Ompod ngan Angela
Alpires an gold ha girls division ngan Anthony Hipangan, Jonel Hugom ngan Anthony Obias naman ha
boys division.
Ha pagkayana in mayda gihap 3 nga silver ngan 7 nga bronze an team region 8.
Sumala kan Robin Tamayo, Sports Director han Leyte Sports Academy nga maupay naman an
kabutangan han mga atleta ha Antique ngan waray hira may ginkakaatubang nga problema.
Nakatalaan naman nga manguli ha rehiyon an mga coaches ngan mga atleta yana nga maabot nga
sabado.
