-- Advertisements --
INTERNATIONAL – Sumaka na ha 46 ka-tawo an namatay mahitungod ha padayon nga makusog nga pag-uran ha Pakistan.
Haros usa ka-semana na an makusog nga pag-uran kun diin damo nga mga residente an nasamaran.
Kadam-an ha mga namatay in ha Khyber Pakhtunkhwa province samtang damo nga residente gihapon an ginpabakwit na mahitungod ha paghitaas han tubig.
Damo nga molupyo naman han Pakistan an nagrereklamo mahitungod ha maiha nga responde han ira gobyerno.
Ginpahimatngunan pa han National Disaster Management Authority an mga residente nga hirapit ha salog nga bumakwit na mahitungod ha delikado nga kabutangan.
