TACLOBAN CITY- Guinkumpirma han Department of Health Regional Office 8 na 70% an guin-ubsan han mga nabiktima hin firecracker ha Sinirangan Bisayas kumpara ha nakalabay na tuig.
Sumala kan Roderick Boyd Cerro, Sentinel Nurse han DOH 8 na 35 an nahipatik na nabikttima hin firecracker ha rehiyon kumpara han 99 na ihap han mga nabuthan dida han pagtapo han tuig 2017.
Guinsumat pa ni Cerro na kaudgan han mga nabiktima in tikang ha Eastern Samar ngan Northern Samar.
Mababaruan na 2 anyos an pinakabata na naitsahan hin pabuto ha Dolores samtang 73 anyos naman an pinakalagas na nabuthan hin piccolo ha Northern Samar.
Duha han mga nabuthan an guin-utdan hin tudlo samtang unom naman an nagkabubuthan ha mata.
Guinklaro naman ni Cerro na piccolo an kaudgan na guingamit han mga nabiktima hin firecrakcers.
An kaparte han pamahayag ni Roderick Boyd Cerro, Sentinel Nurse han Department of Health Regional Office 8
Mapasalamaton naman hi Cerro na waray nahipatik na indescriminate firing ha rehiyon 8.
