TACLOBAN CITY – Tungod han kagutom ngan kakurian nga gin-agian ha kabukiran nagdesisyon an tulo nga myembro ngan supporter han New People’s Army ha Las Navas, Northern Samar nga hul-os nga mag-surrender ha gobyerno.
Subay ha report tikang han 20th Infantry Battalion han Philippine Army, hul-os nga gintubyan nira Alias Alias Rion, Alias Bunso ngan Alias Ekgong an ira mga kalugaringon ha tinubyanan hiton balaud para pili-on an mas mahimyang nga kinabuhi.
Hira in mga remnants of Front Committee-15 Sub-Regional Committee (SRC) Arctic, Eastern Visayas Regional Party Committee (EVRPC).
Kaupod ha ira ginsurender iton duha nga pusil, mga bala ngan magazine.
Dayon naman nga nakakarawat hin ayuda nga kwarta ngan pagkaon an tutulo nga dati rebelde pinaagi han Local Social Integration Program ngan Municipal Task Force Balik-Loob Program and Initiatives.
An malinampuson nga pagsurrender hini nga mga myembro ngan supporter han New People’s Army in tungod han mas mas pinakusog nga information awareness ngan pagpadulot hiton mga programa han gobyerno bisan ha mga tay-aw nga barangay.
