TACLOBAN CITY — Magmumulay ha nagtitikaharani nga 30th Southeast Asian (SEA Games) an tulo nga atleta tikang ha Leyte Sports Academy.
Nakilala an mga ini nga hira Aira Villegas nga magmumulay ha boxing womens division, Melissa Davalos para ha 100m hurdle ngan Mariano Masano para ha 800m ngan 1500m run.
Sumala kan Robin Tamayo, Director Leyte Sports Academy, nga an mao nga mga atleta in nagtikang pagtraining ha ira tikang dida han elementary pala an mga ini kutob highschool.
Positibo naman an pamunuan han Leyte Sports Academy nga makakakuha hin mga medalya an mga pambato han Eastern Visayas tungod kumpiyansa hira ha talento han mga ini.
Mababaruan nga an mao nga mga atleta in nagpakakuha na hin mga medalya ha magkadurudilain nga paisan-isan ha lokal ngan international.
