TACLOBAN CITY – Patay an usa nga 29-anyos nga lalaki mahuman ine nga maghikog ha sulod han ira panimalay ha Brgy. Masarayao Kananga Leyte.
Ginkilala an biktima kan Ferdinand Varga, 29-anyos, trabahante han usa nga Lumber Yard ha Ormoc City, ngan ngan residente Brgy. Masarayao Kananga Leyte.
Sumala kan PMSGT. Rolando Lago Jr., Duty Imbestigator han Kananga MPS, nga subay ha ira gindumara nga imbestigasyon nga an biktima in nakig-inom anay ha balay han iya tatay, kahuman in umole ine ha ira panimalay agud nga kumaturog, han panginanuon ine han iya mga umangkon nakit-an nala nga waray na kinabuhi samtang nakabitay ine ha sulod han ira panimalay.
Dugang pa han nasabi nga opisyal, ha kadugangan pa nga imbestigasyon nga ira gindumara nga an biktima in naatubang ha problema ha lovelife kun diin nahibaruan niya nga mayda iba nga lalaki an iya ka live-in partner, sanglit nga gin-utasan hine an iya kalugaringon kinabuhi.
Gindig-unan han mao nga opisyal nga ha ira imbestigasyon waray hira nakikit-an nga foul play ha mao nga panhitabo.
