NATIONAL – Igin parayaw han Department of Information and Communications Technology nga nagin epektibo daw an ira pangandaman nag naglabay nga eleksyon.
Natuod an ahensya nga nagin sakto an ira kaandaman sanglit sugad nala an ira pagparayaw nga nagin maupay an epekto hine ha kahuhuman la nga National and Local Elections dida han Mayo 12.
Sumala kan Department of Information and Communications Technology Assistant Secretary Renato ‘Aboy’ Paraiso, resulta ine han ira pagpapakita ha publiko nga seryoso an gobyerno nga atuhan an mga hulga ha seguridad han gindumara nga piniliay.
Igin paangbit gihapon nga bisan man kun an ginlalauman han kadam-an in mayda mga prubar nga hacking, phishing o pagmanipula ha sistem han Commission on Elections, in waray daw hira may namonitor,
Ine mismo an iya ginpahayag ha ira pagbabantay gamit an ginbug-os nga 24/7 threat monitoring center han gobyerno nga gin alutaga para ha piniliay.
Dugang pa ni Assistant Secretary Paraiso nga an preparasyon nga ira ginhimo, pira kadoble nga safeguard ha system han Commission on Elections ngan mga technical procedures in an nagduso agud dire na magprubar pa nga samukon han mga magraot an panuyo ha cyber security han eleksyon.
