TACLOBAN CITY – Patay na han makit-an an usa nga lalaki mahuman ini nga magbigti ha Brgy. Lagundi, Catbalogan City.
Sumala kan PLtCol Jonathan Del Rosario, Chief of Police Catbalogan City Police Office, ginkilala an mao nga biktima nga hi Marlon Cris, 23 anyos, may live in partner ngan residente han mao nga barangay.
Basar han inisyal nga imbestigasyon, nakit-an nala nga nakabitay an biktima gamit an paha ha sakob han mismo panimalay hini.
Nahibaruan naman nga san-o an mao nga insidente, nakipag-inom anay an biktima han gab-i kun diin dire daw ini nagyayakan-yakan ngan may mga senyales han iya duro nga kasubo.
Gin-aalegar mayda gihapon ini messenger conversation ha iya sangkay kun diin nag istorya an biktima bahin han iya plano nga magpakamatay.
Waray naman nakikita nga foul play an mga kapulisan ha mao nga panhitabo.
