NATIONAL – Nasipatan an ada ha 207 nga barko han China ha West Philippine Sea tikang dida han Setyembre 3 ngada han Setyembre 9, subay ha Philippine Navy.
Ine na an maikokonsidera nga bag-o nga record-high nga ihap han Chinese vessels sa West Philippine Sea yana nga 2024. Mas hitaas hin guti an nasabi nga ihap kumpara ha nasipatan nga 203 nga barko han China dida han Agosto 27 kutob Setyembre 2,
Sumala kan Philippine Navy spokesperson for the West Philippine Sea, Rear Admiral Roy Vincent Trinidad, bisan paman kun umatras an pira nga sarakyan pandagat han China dida han paglabay han bagyong Enteng ha lugar in ginbalyuan la daw an mga lumakat nga barko hin panibag-o nga mga barko han China.
Basar ha pinakabag-o nga datos han ahensya, ada ha 182 maritime militia vessels, an nasipatan ha WPS, 18 China Coast Guard (CCG) vessels, 6 People’s Liberation Army Navy (PLAN) vessels, ngan 1 research and survey vessel.
Dugang pa han nasabi nga opisyal, kadam-an han mga barko han China in naka-sentro ha Escoda shoald kun diin nagbabantay an PCG vessel nga BRP Teresa Magbanua.
