TACLOBAN CITY- Arestado an 2 nga suspek ha gindumara nga Entrapment and Rescue Operation for violaton of Republic Act 9208 or the Anti-Trafficking in Persons Act of 2003, as amended by RA 10364 also known as the Expanded Anti-Trafficking in Persons Act of 2012.
An mao nga operasyon in gindumara han mga tinaglawas han Tacloban City Police Office TCPO, ha usa nga massage spa ha syudad han Tacloban, kun diin na rescue han mga ine an 5 nga mga biktima kaupod na usa nga minor de edad.
Sumala kan PMAJ. Marjorie Manuta, Information Officer han Tacloban City Police Office (TCPO), nga 2 ha mga biktima in nag-eedad hin 35 anyos, usa nga 34, usa nga 29 ngan sugadman an usa nga minor de edad.
Mababaruan nga an minor de edad in nadamay la ha mao nga entrapment matungod nga nakadto hiya han actual nga magdumara hin operasyon an mga otoridad.
Waray naman igpaangbit han mao nga opisyal, an mga pangilal-an han mga biktima sugadman an mga suspetsado matungod daw an mga ine in confidential.
Hapagkyana ada ha kustodiya han City Social Welfare and Development Office (CSWDO) an lima nga biktima.
Samtang an mga suspetsado in dayon nga ginpailarom hin medical nga eksaminasyon, ngan temporaryo an mga ine kapot han Police station 2 Abucay, kun diin gin-proproseso gihapon an mga kaangayan nga kaso nga igsasalawad kontra ha mao nga mga suspetsado.
