NAITONAL–Ginpadig-on han House of Representatives han House Committee on Justice an rekomendasyon nga ig-basura an 2 ka impeachment complaint kontra kan Pangulong Ferdinand Marcos Jr.
Nakakuha naman ine 284 ka botos, kun diin 8 an komontra, ngan 4 an nag abstenar ha planary vote.
Gindeklara naman ine ni Deputy Speaker Janette Garin, nga nag-preside han mao nga plenary session mahuman nga ginihap an mga botos.
Ginsuporta naman an pagbasura han mga reklamo han Partido Federal ng Pilipinas, Lakas–Christian Muslim Democrats, Nationalist People’s Coalition (NPC), National Unity Party, ngan Party-list Coalition Foundation Inc.
Ginakusar naman han 2 ka reklamo hi Pangulong Marcos hin pagtalapas ha Konstitusyon, graft and corruption, ngan betrayal of public trust.
Gindekalra nga ‘insufficient in subtance’ an reklamo ni Atty. Andre De Jesus kun diin nakakuha ine hin 42 ka botos.
Samtang, an reklamo han Maza et al. in nakakuha la hin 7 affirmative votes.
Ginmalatumat naman ni Batangas Rep. Gerville Luistro, nga ‘insufficient in substance’ an mga reklamo nga dapat ig-dismiss ngan dire ine para ha ‘political theatre’.
