NATIONAL NEWS- Ma-abot ha 19 nga lugar ha nasud an ada ha “danger level” han heat index.
Subay ha Philippine Atmospheric, Geophysical and Astronomical Services Administration (Pagasa) an Dagupan ha Pangasinan in posible nga maka-abat hin 44 degree celcius han kapaso hiton panahon.
Samtang maabot naman ha 43 degree celcius an ginlalauman ha mga lugar sugad hiton Sangley Point, Cavite City; Virac, Catanduanes ngan Butuan City , Agusan del Norte.
An mga lugar naman nga makaka-abat hin 42 degrees celcius in ginkakalakipan hiton masunod : Echague, Isabela; Iba Zambales; Cubi Pt., Subic Bay, Olongapo City; San Ildefonso, Bulacan; Camiling, Tarlac; Cuyo, Palawan;Roxas City, Capiz; Iloilo City; Panglao International Airport, Bohol; Catarman, Northern Samar ngan Dipolog, Zamboanga del Sur.
Ha Metro Manila naman in ginlalauman an 41 degree celcius nga temperatura nga maabat ha Ninoy Aquino International Airport (NAIA) Pasay ngan 40 degree celcius ha Science Garden Quezon City.
An temperatura nga ada ha 42 -51 degree celcius in ginkokonsidera yana hiton PAGASA kumo usa nga ada ha danger category samtang an ada naman ha 33 degrees celcius ngada ha 41 degree celcius nga “extreme caution” category.
