INTERNATIONAL – Nahipatik an aada 175 wildfire ha state han South ngan North Carolina mahuman la nga maglarab ini mag-aga, dara han makusog nga hangin ngan han dry condition.
Sumala ha mga otoridad, maabot na ha 4,200 ka-ektarya an nasunog tikang ha mga wildfires, kun diin an mga pinakadako nga sunog in umabot na na gihapon ha mga kabablayan rason han pagdeklara hin mga evacuation ha pira nga mga lugar.
Nahipatik han South Carolina State Fire Marshal nga mayda aktibo nga mga wildfires ha Horry, Spartanburg, Oconee, Union, ngan Pickens counties. Usa ha mga pinakadako nga sunog nga natabo hirani ha Carolina Forest ha Horry County, nga hirapit ha Myrtle Beach kun diin, umabot na ha sobra 1,600 ka-ektarya an apektado.
An madagmit nga pagsarang han kalayo in nagtatarhog naman ha mga komunidad han Walkers Woods ngan Avalon.
Ginbabana-bana nga 30% pa la an nakokontrol o napupuy-poy nga sunog.
Samtang, nagdeklara na hin state of emergency hi Gobernador Henry McMaster dida han Lunes, agud tagan hin atensyon an nagtitikagrabe nga wildfires.
