TACLOBAN CITY – Usa nga 17 anyos nga daragita an gin-aalegar nga nagpakamatay ha mismo panimalay hini ha Brgy. Milagrosa, Sta. Fe Leyte.
Sumala kan PLt. Daisy Magbunag Hallasgo, Officer in Charge han Sta. Fe Municipal Police Station, nakit-an mismo han 7-anyos nga bugto han biktima nga nakabitay na ini ha sulod han iya kwarto gamit an kurtina.
Dayon naman ini nagsumat ngan nangaru hin bulig ha ira mga amyaw.
Basar ha inisyal nga imbestigasyon, san-o pa man natabo an mao nga insidente in nakagsumat pa an biktima ha iya mga amyaw, tiya sugadman ha iya manghud bahin ha iya mga problema.
Gintutuohan nga mayda uyab an biktima pero nagkamayda ini hin deri pagka-intindihay kun diin an urhi nira nga pag-istorya in dida pa han nakalabay nga Mayo 30.
Ini naman an ginhihingita nga rason han kalugaringon nga nanay ngan tiya han biktima han pagpapakamatay hini kun diin waray na daw niya kailob sanglit nabuhat han biktima an mao nga butang.
Naidara pa an biktima ha ospital pero gindeklara ini nga dead on arrival.
