TACLOBAN CITY – Maabot ha 135 nga mga benepisyaryo an naman-gradwar tikang ha Community Livelihood and Extension Program (CLEP) han lokal nga pangobyernohan han syuadad an nagin manilampuson nga nagpaka-gradwar ha nasabi nga programa han syudad.
Sumala kan Ruena Mate, Acting CLEP Coordinator Tacloban, nga ha mao nga ihap 61 dinhe an nakaghuman hin food processing skills training, 26 beneficiaries naman an naka-kompleto han 15-day free hair-cutting and cosmetology courses, samtang 10 ngan 11 nga graduates naman an nakaghuman han Bartending ngan Reflexology courses, samtang maabot naman ha 15 an namag-gradwar ha Baking, ngan 12 naman ha Dressmaking.
An mao nga graduation in gindumara ha CEO Gym han nakalabay nga adlaw.
Dugang pa han mao nga opisyal, nga an mga benepisyaryo nga namag-gradwar in tikang ha magkalain-lain nga Barangays ha syudad sugad han BRGY. 84, 110, 66, 42-A ngan 49.
Ginmalatumat naman han mao nga opisyal nga mayda gihapon maabot ha 300 nga CLEP trainees an man-gragradwar liwat ha northern barangays yana nga tiarabot nga Agusto 18, 2022.
