TACLOBAN CITY – Maabot ha 11 nga mga pamilya ha Laoang, Northern Samar nga naapektuhan han COVID-19 an nakatalaan nga matagaan hin tambulig han lokal nga pangubyernuhan.
Sumala kan Laoang Mayor Harris Ongchuan, nga an mao nga mga benepisaryo in mga pamilya han pira nga mga preso han Laoang Sub provincial Jail nga nagpositibo han COVID-19.
Ginpili naman nira an matatagan han sheleter asssistance an sindo maikokonsidera nga mga informal settlers.
Makakarawat naman an kada pamilya hin tag 10 mil pesos nga ginhatag han LGU han Northern Samar.
Mababaruan nga maabot ha 27 nga mga inmates an natapnan han hadi han COVID-19.
Ginklaro naman ni Ongchuan nga ha pagkayana in padayun nga naubos an kaso han COVID-19 ha mao nga bungto.
Samtang ha pagkayana in aada ha 122 an sumatotal nga kaso han COVID ha bug-os nga Laoang.
Ginlalauman naman nga sunod nga semana nga maideklara nga Zero cases an mao nga bungto.
