KYIV, UKRAINE – Ginmandohan ni Ukrainian President Volodymyr Zelensky an iya sundalo nga bumulos ha ginbuhat nga pag-atake han Russia.
An iya pahayag in mahuman an ginbuhat nga pag-atake han Russia ha railway car ha Kharkiv region nga ginkamatay han lima ka-tawo.
Ginpapabilin han Ukraine nga protektado an rail way nira bisan nga padayon an pag-atake han Russia ha haros upat ka-tuig nga giyera.
Dugang pa hini nga dire nira papalampason an ginbuhat nga terror attack han Russia ha ira mga logistic ngan railways.
Tikang pa han nakalabay nga bulan in waray undang an ginbuhat nga drone ngan missle attack han Russia kun diin kadam-an ha mga biktima in mga inosente nga sibilyan.
Nakatalaan naman yana nga adlaw han Miyerkules ngan Huybes an pag-urusturya han mga tinaglawas han Russia ngan Ukraine nga gaganapon ha Abu Dhabi, United Arab Emirates.
