Nahipatik han Office of the Civil Defense Region 8 nga yinukot-yukot nga umhanan ngan parag-uma ha Leyte an apektado ha naabatan nga epekto han El Nino, samtang pira na nga mga lugar ha Sinirangan Bisayas an nakakaabat na han epekto hini ha agrikultura.
Sumala kan OCD-8 Operations Section Chief, Sher Rysiah Saises nga ha pagkayana in naabatan na an epekto han moderate to strong El Nino ha Sinirangan Bisayas kun diin, maabot ha 4,918 nga mga parag-uma an apektado ngan 3,046 ka-ektarya naman han mga pananom an nahipatik nga totally damage ngan 1,230 hectares an partially damaged.
Kaupod ha nadarahigan han katsirak an mga pananom nga humay ngan mais nga kun diin, maabot ha kabug-usan nga P209 milyon an danyos hini ha Leyte.
Dugang naman ni Saises nga ha kaluyo han naabatan nga kapaso hiton panahon, in dire pa sugad iton naabatan han rehiyon kumpara ha iba nga parte han nasud ini in mahitungod na gihapon han mahugot nga pangandaman han mga concerned agencies labi na an sektor han agrikultura.
Samtang, padayon naman an koordinasyon han OCD ha iba pa nga ahensya han gobyerno ha pagpapatuman hiton mga pitad agud maibanan an epekto han El Nino ngan maatuhan an ginbabantayan nga epekto gihapon han Super El Nino ha Sinirangan Bisayas.
