-- Advertisements --
TACLOBAN CITY – Nangangandaman na an Department of Education (DEPED) Regional Office 8 para han ginlalauman nga pagtatapos han School Year 2020-2021 partikular na han magiging grading system ha mga estudyante ha ilarom han modular learning.
Sumala kan Jasmin Francisco Calzita, tagapagyakan han DEPED 8, magiging basehan han grading system han mga magturutdo ha ira mga estudyante an minimum nga upat nga written work ngan performance task han mga ini ha kada quarter.
An ratings ha written work ngan performance task han mga estudyante in nakadepende ha learning area, subject ngan grade level han mga ini.Nakadepende gihapon ha magiging stratehiya han teachers kun patiunan-o an pagbuhat han performance task han mga estudyante hini.
