-- Advertisements --
INTERNATIONAL – Iginkasina han World Health Organization (WHO) an diri pagtugot han Israel nga makasulod an ira international medical team ha Kamal Adwan Hospital.
An nasabi nga ospital in gin-atake han pwersa han Israel mahitungod nga gintutu-ohan nga nagseserbe nga tagu-an ini han Hamas militant.
Nagresulta ha duro nga danyos an pagbomba han Israel ha Kamal ospital kun diin damo nga mga pasyente in nasamaran.
Samtang, iginkakabarak-an han WHO an pagtikadamo han mga namamatay mahitungod ha kawarayan hin suplay han kuryente nga dako nga bulig ha mga pasyente.
Manunumduman nga siyahan nga ginkondinar han WHO an padayon nga pag-atake han Israel Defense Forces ha mga medikal nga pasilidad ha Gaza.
