Plano han grupo nga Kilusang Makabansang Ekonomiya (MKE) nga maglunsar hin usa nga “People’s Court” o hukumang bayan kadungan han posible nga impeachment trial ni Vice President Sara Duterte ha Senado.
Sumala kan Jaime Regalario, chairman han MKE, panuyo hini nga magkamay-ada hin mahugot nga pagbabantay an publiko ha dalagan han ebidensya ngan hustisya.
Target han grupo nga pagbuhaton an ira kalugaringon nga pagdungog ha sulod mismo han Senate compound ngan plano gihapon han mga ini nga paki-istoryahan hi Senate Presidente Tito Sotto para ha pwesto hini.
Sumala kan Regalario, makuha hira hin mga kopya han ebidensya tikang ha Senador agud iglatag gihapon ha ira forum nga aatenderan han magkaduru-dilain nga sektor ngan mga retirado nga mahistrado sugad nira anay Chief Justice Maria Lourdes Sereno ngan Reynato Puno.
Depensa han grupo, dire ini usa nga “kangaroo court” kundi usa nga lehitimo nga paagi han partisipiasyon han mga residente ha pamiling hin pagbaton.
Dugang pa, magseserbi ini nga “balance” ha magigin desisyon han Senado in kaso dire ini tumugma ha kamatuuran nga igpapagawas han ira kalugaringon imbestigasyon.
