TACLOBAN CITY – Maabot ha walo nga nga mga indibidwal an samaran mahitungod han nahinabo nga 5.3 magnitude linog kun diin nagin sentro hine an syudad han Leyte-Leyte.
Sumala kan Leyte-Leyte Mayor Arnold James Ysidoro, dayun nga nakagresponde an Leyte Municipal Disaster Risk Reduction and Management Office (MDRRMO) para madara ha hospital an mga biktima mahuman nga mahulugan ine hin mga debris.
Hapagkayana in maabot 8 nga mga balay itun totally damaged ngan 42 naman an partially damaged.
Pira nga mga building, simbahan ngan karsada ha bungto han Leyte-Leyte an nagkamay-ada gutak mahitungod han mao nga panhitabo.
Gin-abat gihapon an nasabi nga linog han mga sapit nga mga bungto sugad han Kananga, Calubian, Carigara, Alangalang, Ormoc ngan Albuera ha probinsya ha Leyte.
Hapagkayana in padayun pa an ginbubuhat nga assessment ngan pagbabantay han mga otoridad ha mga lugar nga naapektaran han nasabi nga linog.
Nagpagawas na gihapon hin Executive Order hi Mayor Ysidro nga nagbabawal ha paggamit han tanan nga public infrastructures ha Leyte-Leyte samtang dire pa ine gindedeklara nga talwas para ha mga publiko.
