TACLOBAN CITY – Samaran an maabot ha walo katawo mahuman nga aksidente nga mahulog an usa nga pampasahero nga van ha ligid han karsada ha Sitio Binacalan, Lawaan, Eastern Samar.
Sumala kan PInsp. Lysander Camacho, hepe hen Lawaan MPS, tulo nga mga samaran nga pasaheros an gindara ha Lawaan RHU ngan lima naman ha Balangiga hospital kun diin duha ha mga ini an nagrabehan.
Subay ha pamahayag han driver han van nga hi Peter Gacho, biyahe hira tikang ha Tacloban tikadto ha Guiuan, Eastern Samar han mahulog an mao nga van ha hilarom nga parte han ligid han karsada mahitungod han madalunot nga dalan durot han mauran nga panahon.
Ha pagkayana in nagpapabilin ha ospital an mga biktima samtang an iba naman nga pasaheros nga waray kasamari in dayon ngabumal-in hin sarakyan tikadto ha ira mga tagsa-tagsa nga destinasyon.
