-- Advertisements --
NATIONAL NEWS – Ha ikaduha nga higayon, diri matambong hi Vice President Sara Duterte ha State of the Nation Address o SONA ni Pangulo Ferdinand Bongbong Marcos Jr ha Hulyo 28.
Sumala kan House Secretary General Reginald Velasco, ini in iginpahayag dida hin usa nga surat tikang han Office of the Vice President (OVP) kumo baton han ira pormal nga imbitasyon para han SONA.
Ginmalatumat ni Velasco nga waray maghatag hin bisan ano nga rason an OVP kun kay ano nga diri matambong hi VP Sara han ika-upat nga SONA ni PBBM.
Samtang, ha luyo hini, nagpatapod hi Velasco nga an Kamara in maghahatag gihapon hin lingkuran ngan holding area para kan VP Sara ngan han iya mga staff inkaso magbag-o an iya panhunahuna.
