ODD NEWS– Nag-viral an usa nga vlogger ha Guangdong mahuman hine igpakita an proseso han pag-extract niya han 191.73 grams nga gold tikang ha kadaan nga SIM cards ngan iba pa nga electronic waste.
Gamit an complex chemical processes sugad han strong acid dissolution ngan electrolytic reduction, nahimo niya nga tunawon an mga scrap agud nga makuha an gold nga nagkakantidad hin P950,000.
Gintatawag an proseso nga “SIM alchemy”.
Matungod dinhe, damo nga netizens an karuyag nga probaran an proseso para rumiko.
Ginklaro naman han mga eksperto nga “too good to be true” an video matungo nga kun huhuna-hunaon tikang la ine ha ordinaryo nga SIM cards.
Samtang gin-amin naman han vlogger nga gumamit hiya hin mga gold-plated computer chips tikang ha electronic components kaparehas han nakada ha sulod han computer, cell phone, o servers nga ginpuputos hin manipis nga layer han gold medal.
Nagpahimatngon naman an mga awtoridad nga dire ine subaron ha mga panimalay matungod nga nagamit ine hin mga kemikal nga nakakahilo, ngan delikado ha panlawas ngan kalibungan.
