Nakarawat na han Villar Land Holdings Corporation ngan mga opisyal hine an kamanduhan tikang ha Securities and Exchange Commission (SEC) nga magbayad hin P12 milyon kumo multa imbes nga butangon hin suspensyon han ira Registration Statement at Permit to Offer and Sell Securities.
Nahibaruan nga ginpahamtangan an mga ine hin P2,000 nga multa kada adlaw han pagkakadelatar tikang han Hulyo 1, 2025 kutob ha maipasa an Annual Report ngan Q1 2025 Quarterly Report.
Gin manduhan gihapon an mga ine han SEC nga mag-eksplikar kasumpay ha daw pagtalapas ha Securities Regulation Code, Financial Products and Services Consumer Protection Act, ngan Revised Corporation Code.
Abri naman an Villar Land ha higayon nga mae-eksplikar an ira parte ngan nakatalaan nga bumaton ha kamanduhan han SEC ha sakto nga oras.
Gin klaro gihapon han kumpanya nga an pagkadelatar ha pagsususmite han mga report in dire mahitungod ha pagkakatanggal han external auditor, kundi ha pauru-utro hine nga hangyo para ha ira kadugangan ngan audit procedures.
Sugadman in natuod an Villar Land nga an fair value han mga ari-arian ha Villar City an kinahanglan nga igpakita ha financial statements, tumugot hira nga gamiton an cost basis agud mapadagmit an paggawas han 2024 Audited Financial Statements.
