TACLOBAN CITY – Narekober han mga otoridad an utod nga lawas han usa nga babaye, ngan rumok nga pumpboat ha kadagatan nga sakop han Brgy. Bisitahan Tarangnan Samar.
Sumala kan PMAJ. Contanteno Jabonete, Chief of Police han Tarangnan Samar, nga natad-an an biktima nga katunga nala iton lawas han babaye nga nagluluta-lutaw ine ha kadagatan han nasabi nga lugar.
Dugang pa han mao nga opisyal nga ginpailarom na ine ha DNA test an patay nga lawas agud nga matudlok an pangilal-an han nasabi nga biktima.
Hapagkayana, usa gihapon ha ira gin-iimbestigaran kun an mao nga patay nga lawas in kasumpay ha natabo nga pagbuto han pumpboat samtang nagkakamayda hin engkwentro ha butnga han militar ngan gintutuohan mga armado nga grupo ha Catbalogan City han nakalabay nga adlaw.
Mababaruan, ugsa hine nagkamayda hin engkwentro an kasundaluhan ha dire maubos napulo katawo ha kadagatan hiton Catbalogan Samar samtang nagdudumara hin Joint Special Operations Task Force Trident and Intelligence Service of the Armed Forces of the Philippines an tropa militar.
Nanawagan naman ine ha publiko, nga pananglitan mayda mga taga Taranganan nga nawawad-an hin hinigugma ha kinabuhi in dayon nga makipagsumpay ha mga kapulisan.
