-- Advertisements --
TACLOBAN CITY-Usa an kumpirmado nga patay ha nahipatik nga sunog ha Brgy. Karunungan Jiabong, Samar.
Ginkilala an biktima nga usa nga 90-anyos an pangidaron, babaye, ngan residente han Brgy. Karunungan Jiabong, Samar.
Sumala kan SFO1 Ralph Lemuel Agbon, Chief Investigator han Jiabong Fire Station, mayda nakit-an nga patay nga lawas ha lugar han panhitabo kahuman han sunog. Basar gihapon han anak han biktima in ha ira balay nagtikang an sunog.
Ada naman ha unom nga kabablayan an nasunog kun diin tulo han mga ine an partially burnt ngan tulo gihapon an totally burn.
Gin iistimar naman nga maabot ha P5,160,000 an kantidad han nga tanan nga mga nasunog nga kabablayan.
Ha pagkayanan in gin aadman pa an nagin kawsa han sunog.
