TACLOBAN CITY – Patay an usa nga ulitawo mahuman ine nga magpakamatay ha Mahaplag, Leyte.
Ginkilala an biktima kan Pablo Apiag Jr., 21-anyos an pangidaron, istudyante, ngan residente han Brgy. Sto. Niño Mahaplag, Leyte.
Sumala kan PChief Msgt. Eric Gandulfos, Imbestigador han Mahaplag Municipal Police Station, usa nga concern citizen an nagreport haira opisina han panhitabo.
Basar han inisyal nga imbestigasyon han mga otoridad, nagkamay-ada daw hin away an biktima ngan han uyab hine samtang nagkakamay-ada an mga ine hin video call kun diin kahuman daw han mga ine mag-istorya in nagbitay an biktima gamit an usa nga pisi.
Nahikit-an naman an urhi nge mensahe han biktima ngadto han iya uyab kun diin nagyakan ine nga kitaon daw hiya nga magpakamatay.
Dayun naman nga gindara ha Mahaplag RHU an lawas han biktima pero gin deklara ine nga dead-on-arrival han attending physician.
