TACLOBAN CITY — Naghangyo an usa nga Transport Cooperative han Tacloban ha mga drivers nga deri magsingabot ha pag-aro hin mga pamasahe ha kaluyo hiton padayon nga paghitaas han presyo hiton lana ha merkado.
Sumala kan Leo Templado, BOD/ Vice Chairman Tacloban Marasbaras Drivers Operators Transport Cooperative, kun ano an ginpapatuman nga pamasahe in amo gudla an kinahanglan aruon ha tagsa pasahero ngan deri na umaro pa hin doble.
Kinahanglan ngadaw ini agud waray baratunon han mga drivers/operators ha LTFRB pananglitan mayda magreklamo bahin han nasabi nga nga doble-pasahe.
Nagpahayag naman ini nga mayda pipira nga mga pasahero nga deri nahatag hin sakto nga pasahe sanglit naghahangyo hira nga humatag hin sakto agud waray maging problema ha butnga hiton mga drivers ngan pasahero.
