TACLOBAN CITY: Nakaiskapo ha presuhan an usa nga Person Deprived of Liberty o kun PDL , han aga han mga nakalabay nga adlaw.
Ginkilala an nakaeskapo kan Edward Obina Busa, residente han Brgy. Maydolong, Eastern Samar, ngan nakapaslak ha Eastern Samar Provincial Jail matungod ha kaso nga 6 counts of rape.
Sumala kan PLtCol. Clark Chavaria, Chief of Police han Borongan City Police Office, nga basar han report nga ginpasaka hiton mga kapulisan han Eastern Samar Provincial Jail, nga kahuman magbuhat hin morning headcount an mga ini in napansin nira nga kulang hin usa an mga preso, kun diin dayon hira nga nagdumara hin imbestigasyon ngan pamiling.
Basar han ira imbestigasyon, nasabtan nira nga nakaeskapo an an nasabi nga preso, pinaagi ha usa nga buho ha CR ha sakob han selda, pagkagawas hini in sinmaka ine ha fence han presuhan pinaagi han an usa nga lumber nga gingamit hini kumo usa nga hagdan, ngan pinmitik tipagawas agud nga makaeskapo ha mao nga Provincial Jail.
Samtang, kita naman ha CCTV footage han presuhan nga dayon kumaligiw an suspek ngan sumakay hin usa nga motor.
Ha pagkayana, in nakipag koordinar na an nasabi nga presuhan ha mga kahirani nga Municipal Police Stations ngan mga Military counterpart detachment ngan nagbuhat nagihapon hira hin hot pursuit operation, agud nga madakop an nakaeskapo nga preso.
