TACLOBAN CITY – Samaran an usa nga lalaki mahuman nga makuryente ha iya gin tatrabahuan ha Brgy. 1-8 Motiong Samar.
Ginkilala an biktima kan Luisito Dacutanan Abalos, 50-anyos an pangidaron, usa nga construction worker ngan residente ha Brgy. Uno Motiong, Samar.
Sumala kan PLT. Jay Ilagan Chief of Police hitun Motiong Municipal Police Station, nag tatrabaho an mao nga biktima ha balay ni Froy Labalan ngan kun diin ha iya paghangad in may-ada live wire dapit han iya ulo hinungdan han pagkakuryent hine.
Natumba an biktima ngan dayon naman gin rescue han mga tinaglawas hiton BFP ngan kapulisan ngan gindara ha Samar Provincial Hospital.
Nag-angkon naman hin samad an biktima ha parte hitun iya ulo.
Mababaruan nga naghatag hin suporta an tag-iya hitun balay ngan ha pagkayana in padayun an pagpapaupay ha nasabi nga ospital an mao nga biktima.
