Duro an pagka-dismaya han mga pamilya han biktima han war on drugs mahuman nga dire umatender hi anay presidente Rodrigo Duterte ha confirmation of charges hearing hini ha International Criminal Court (ICC) kakulop nga adlaw.
Iginduon ni Atty. Joel Butuyan, abogado han mga biktima, nga importante nga parte han hustisya an pag-atubang han anay presidente ha mga reklamo nga crimes against humanity nga iginsalawad kontra ha iya.
Kadungan hini, umapela an abogado ha tribunal nga dire igbasura an kaso mahitungod nga ini la an nasasalin nga ‘recourse’ han mga nabilin nga biktima mahuman nga aminon mismo han gobyerno han Pilipinas nga makuri pamatud-an an kaso ha lokal nga sistema.
Waray umatender ha pagdungog hi Duterte mahitungod ha dig-on hini nga dire niya ginkikilala an hurisdiksyoon han ICC.
