-- Advertisements --
TACLOBAN CITY – Patay an usa nga lalaki mahuman nga panmumusilon ini ha Brgy. Cogon, Guiuan, Eastern Samar dida han mga nakalabay nga adlaw.
Ginkilala an biktima kan alyas Rico, 58 anyos an pangidaron ngan residente han mao nga barangay.
Sumala ha imbestigasyon han otoridad, nakada an biktima ha iya umhanan han tigda nala ini panmumusilon han waray pa kakilal-i nga suspek kun diin, naigo an ulo hini rason han dayon nga kamatayon hini.
Samtang, kumalagiw naman dayon an suspek mahuman ginbuhat an mao nga krimen.
Ha pagkayana in nagbubuhat an mga kapulisan hin operasyon agud madakop an mao nga suspek ngan masabtan an motibo han nasabi nga krimen.
